| 今日去左個兔友既婚禮，祝一對新人白頭到老，幸福快樂～ 另外， 場內既兔手作真係好靚呢，超讚～ |
ManMan | 28th Apr 2009 |
Travelogue | (6 Reads)
| |
一大早執好行李就係酒店ｃｈｅｃｋｏｕｔ喇，跟住去ｓａｆａｒｉ ｗｏｕｌｄ玩，今日好很熱呢，周圍行下，見到有北極熊，佢地身處既地方係露天既，需然個頂會噴Ｄ霧之類既東東出黎降溫，唔知佢地會唔會覺得都好熱呢？ | |
 |  |
睇完北極熊，就準備去搵長頸鹿，其間見到Ｄ小朋友，有Ｄ好肥ＤＯＤＯ既雀雀～ | |
 |  |
行呀行，終於去到可以餵長頸鹿既地方，近距離同佢地接觸，原來長頸鹿係好可愛架呢，唔單只條頸長，條脷原來都好長，真係好可愛呀 | |
| |
 |  |
 |  |
 |  |
 |  |
| 餵完長頸鹿，經過個飼養鸚鵡既地方，又係近距離接觸，幾十隻鸚鵡同時間係頭頂飛過，都幾驚嚇架，好彩好平安，冇雀屎～ | |
| |
 |  |
 | |
| 係泰國，唔少得會有大笨象既表演，第一次睇大笨象畫畫，好恐佈哦～唔知點解有一種第時大笨象會征服人類既感覺．．． | |
 |  |
 |  |
| 之後去左介紹孵蛋蛋既館參觀一下，仲有去左睇海脤同白鯨既表演 | |
 |  |
 |  |
| 玩左半日，最後一站就係坐車去野生動物住既地方兜個圈喇～ | |
 |  |
 |  |
 |  |
| 兜完呢個圈，就直接去機場番香港ｌｕ，呢一轉終於去番新機場呢，咁樣，先係一個機場架麻～ | |
| |
ManMan | 27th Apr 2009 |
Travelogue | (9 Reads)
| 今日冇咩特別行程，超ｈｅａ既一日，先去食個豐富早餐，跟住就落左酒店泳池游水，泳池係酒店１５樓都幾特別，不過係房望出去時都幾恐佈，好似好容易會游到跌落街咁，而我呢，真係超耐冇游過水呢，好驚，好彩好平安冇浸親：Ｐ | ||
 |  | ||
| |||
 |  | ||
ManMan | 26th Apr 2009 |
Travelogue | (12 Reads)
| 第２朝，本來想去游個早水，結果訓呀訓，就冇去到游ｌｕ，先落酒店食個早餐，跟住出去買ｄ零食飲品之類，再跟住呢，就撘ｂｔｓ出發去行只有週未先開既跳蚤市場翟度翟喇～ | |||
| ||||
 | 落左車，跟住人群行，超多人呢，同埋真係好大，對我呢ｄ完全冇方向感既人黎講，真係唔知自己行左去邊，不過賣既野真係好平，一黎就買左６對耳環，都只不過係１２０銖，超抵，只後又買左個兔仔既波波燈，買左ｄ小擺設咁，好彩今日唔算好猛太陽，仲有少少雨落降下溫，唔係會熱死，中途買左個椰子雪糕，佢附左個杯小椰青，超透心涼哦～～ | |||
 |  | |||
| 行左幾個鐘，拎住好多野，戰鬥力減弱，就回程番去酒店附近既商場食ｄ野醫肚喇～ | ||||
| ||||
| 醫完肚，就番酒店沖洗一下，跟住去左ｓｉａｍ ｓｑｕａｒｅ行個圈，之後又係食，冬陰功好好味，唔太辣咁晒我～ | ||||
 |  | |||
| 食飽飽，就番去酒店附近做個泰式按摩，好～舒～服～呀～ 一身鬆晒！！ | ||||
 |  | |||
| 是日收穫，仲有ｄ大大舊既木製擺設冇影到，睇黎要買多個旅行袋黎拎佢地番香港喇～～ | ||||
| ||||
ManMan | 25th Apr 2009 |
Travelogue | (6 Reads)
| ||||
| 我個泰國ｔｒｉｐ，上年年尾因為曼谷機場關閉而泡湯，再ｐｌａｎ年頭去點知冇機，轉去台灣點知出發前發覺ｐａｓｓｐｏｒｔ唔夠６個月有效期出唔到境而滯留香港，好啦四月再去，ｄ紅衫軍又走出黎，好彩最終都冇影響我個ｔｒｉｐ，如期出到發，之不過唔代表好順理喎，出發前一日，航空公司通知班機改左時間，由原本既８點起飛ｄｅｌａｙ到１０點幾，去到機場ｃｈｅｃｋ ｉｎ，地勤姐姐話班機好ｆｕｌｌ冇連位，要前後坐．．．入到閘呢，黃雨加雷暴警告，又再ｄｅｌａｙ．．．等呀等，等到上機啦，臨飛既時候機頂ｂａｂａ聲咁唔知係邊倒ｄ水落黎，嘩～機頂漏水你都咪話唔驚，簡直由個心寒出黎，好似用條命黎博撘佢飛去泰國會冇事好平安咁，本身對一舊咁重既鐵可以飛上萬呎高空己經好懷疑同覺得不可思議，再加上佢漏水，真係驚～驚～驚～驚～驚呀～～～ 好好好好彩，都平安降落泰國“舊”機場，冇錯，係“舊”機場，呢個機場呢，真係繁榮到丫～應該得我地一班機咁大把囉，有幾繁榮？睇下相就知喇 ＠＿＿＠” | ||||
 | ||||
| 錢都冇得唱，好彩之前ｂｏｏｋ左車，唔係就ｌｅｉｈｅｉ喇… 今次住既酒店係ｓｉａｍ＠ｓｉａｍ，都幾靚呢，房望出去就係泳池，而泳池係１５樓，就咁望好似可以游到跌落街咁．．． | ||||
 |  | |||
 | ||||
| 安頓好就去附近既商場行下，本來想去翟度翟，但因之前班機ｄｅｌａｙ又ｄｅｌａｙ，結果係酒店安頓好都己經３點幾，車我地去酒店個位司機叔叔話翟度翟５－６點ｄ當都收，唯有聽日先去啦～～ 周圍行之前去醫個肚啦，求其搵左間好似幾好咪有ｄ似ｒｕｂｙ ｔｕｅｓｄａｙ既餐廳，叫左個ｓｅｔ黎食，叫既時候先知佢仲包埋沙律ｂａｒ，仲有汽水添飲添，兩個人加埋都係食大約一百蚊港紙渣，真係好抵呢，佢既沙律仲要唔馬夫，有好多唔同既沙律菜，好好味呢～ | ||||
 |  | |||
 |  | |||
| 食飽飽就行下ｄ商場啦，不過其實都冇咩特別，都係一ｄ香港有既店，又唔係特別平，不過我都買左隻史納莎公仔呢，因為佢可以自己再買衫同飾物黎同佢扮靚架，好靚呢～另外就係去左ＮａＲａＹａ買袋喇，成個商場都靜英英，係得佢咁有人氣渣，因為都係好平呢～～ | ||||
| ||||
| ||||
| 行完商場，就去行夜市，不過諗住第日去行翟度翟所以都冇咩點買野呢，跟住就番酒店喇，本來想上頂樓食野，點知佢己經ｃｌｏｓｅ左，唯就落地下呢，不過佢個度個升降機門好型呢～～ | ||||
| ||||
| 番落地下個ｐａｒｔｙ ｈｏｕｓｅ ｏｎｅ，原來佢既ｄｉｎｎｅｒ都完左喇，不過好彩都仲有ｄ小食可以叫，同都飽肚既，而呢一餐呢，食左兩個好特別既汁，一個係咁大個女以黎叫最酸既一個汁，係個芒果牛肉沙律個汁黎，超超超超酸，仲酸過就咁飲啖醋入口，仲有一個係點小食，樓下白食個兜，第一次食咁既怪味既汁，個汁等同於嘔吐物既味呀，勁恐佈～～ | ||||
 |  | |||
| 食飽就番上房休息ｌｕ，是日收穫＞＞＞ | ||||
| ||||
| 我呢隻史納莎個樣係咪好憂鬱好想家咁款呢？ | ||||
| ||||
| ||||
