成日話上大陸行下，今日終於去左喇，第一次撘深圳既地鐵，都幾企理，第一站去左華強路，主要係去睇電子野，行到咁上下，就搵地方食個ｔｅａ喇～

食飽飽，就慢慢散步番去撘車番香港ｌｕ～

己經兩年冇一齊過呢個日子喇，希望以後既每一年都可以一齊慶祝啦～

Ｈａｐｉｂｄａｙ　

除夕夜，又係係屋企煮野食，因為仲有平安夜煮剩既煙肉同磨菇，所以繼續煮卡邦啦華，不過雞扒就換左做比目魚扒，本來想買銀雪魚的，不過買唔到，比目魚味道淡左少少，不過都幾好味架～

２００９年咁就過左ｌｕ，呢一年算過得好平安，幸運地冇特別差既事發生係自己身上，只係工作上仍然好很忙，２０１０年希望可以閒番少少啦，仲有小朋友們健健康康，我愛既人都健康平安啦～

聖誕節又訓到自然醒，起身食個ｔｅａ裝下身就出去睇阿凡達啦，好醒地買左７點場，唔係既話實趕到嘔，人人都話超級勁好睇，可能期望高，所以變左只係覺得“ＯＫ”，３Ｄ效果冇期望中咁３Ｄ，仲諗住會有飛來飛去既效果添，不過個森林入面發光既場景做得好靚呢～

睇完戲去左朗豪近又食吉列野，都ｏｋ喎，尤其鐘意佢既沙律汁，好好味呢～

平安夜，雖然公司放早開完ｐａｒｔｙ就可以走，不過都做到成５點先收得工，慘．．．放工後去左吉吉島買野煮飯仔，不過平安夜既吉吉島超多人，勁多人來掃食物呢，有ｄ想買既東東都售罄ｌｕ．．．　最後煎左個雞同牛扒，煮左個卡邦啦華，仲有失敗左既芝士焗西蘭花做晚餐，再睇下電視，就咁樣，過左一個好平安既平安夜～

以往好幾年既平安夜都係係沙田睇個戲再倒數咁過，今年買唔到飛睇阿凡達，所以冇出到沙田，點知倒數時有草蜢一起森巴舞囉，激死呀～～～

德福今期既佈置係熊ｂｅａｒｂｅａｒ，靚到呢～尤其放係箱仔入面穿唔同國家服飾既熊仔，真係好鬼死靚呀～

用Ｓ９０影既夜景，用Ｍ　ｍｏｄｅ加多左紅來影，效果都唔錯呢～

丫～～又大一歲喇，今年既呢一刻，係正在送朋友番屋企既紅沾上過，個場面都幾搞笑XD

番到屋企，收左個小ｓｕｒｐｒｉｓｅ，之後再搵到我係禮物，好開心有Ｓ９０呢，真係以為係日本買既東東係禮物來架喇，冇諗住會再有禮物收呢，仲要係心儀既Ｓ９０，開心屎，Ｔｈａｎｋ　ｙｏｕ～～

生日要送比自己一個自然醒，真係好滿足，訓醒就去食左個ｔｅａ，之後就去左銅鑼灣逛下影下相，時代廣場出面既佈置係幾米做主題，好鬼靚呢真係～

一口氣食左三隻大閘蟹，ｄ膏多到呢～～真係超級美味呀，不過寒涼爆，要番多ｄ薑茶先得～

整左兩條鍊，貓貓係送比朋友既，另一條就係比自己既～

今日又去左逛深水埗，今次係想買ｄ珠仔同買多少少銀配件仔，估唔到行左幾間舖啫，都差唔多逛左成粒鐘，仲買左ｄ寵物帶，就咁打個圈就可以做條靚靚頸繩比ｂｂ喇～